هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


قال الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18
 
الرئيسيةأحدث الصورالتسجيلدخولالتسجيل

 

 ...الفرق بين عيال الاجانب..وعيالنا المهابيل...

اذهب الى الأسفل 
5 مشترك
كاتب الموضوعرسالة
عمار
₪₪ مُــرَآقِـــبْ عَـآمَ ₪₪
₪₪ مُــرَآقِـــبْ عَـآمَ ₪₪



عدد الرسائل : 59
مـزاجـي : ...الفرق بين عيال الاجانب..وعيالنا المهابيل... Na2m10
تاريخ التسجيل : 24/03/2008

...الفرق بين عيال الاجانب..وعيالنا المهابيل... Empty
مُساهمةموضوع: ...الفرق بين عيال الاجانب..وعيالنا المهابيل...   ...الفرق بين عيال الاجانب..وعيالنا المهابيل... I_icon_minitimeالثلاثاء مارس 25, 2008 7:40 am

السلام علييييكم..

قووة؟؟اخباركــ؟؟ــم

الفرق بين عيال الاجانب وعيالنا المهابيل..
...........................


عيال الأجانب

من الصببببح يبتدي يوم عيال الاجانب حزة الي يقعد على صوت

الكناري الي بغرفته(طبعاً من الساعة 5 الصبح)


بعدها يروح الحمام(الله يعزكم) يتروش ويفرش اسنانه ويطلع



من الحمام تستقبله المربيه بالمنشفه وتصبح عليه يروح يغير ملابسه



وياخذ شنطته وينزل لغرفة الطعام ويصبح على امه وابوه واحلىىىى



بوسه ياخذها منهم ويفطر ذاك الفطور طبعا عباره عن كورن فليكس (ابو ديج)



وبيضه وحده بس!! وقلاص عصير وشويت زبده مع العسل



على خبزه .


بعدين يقوم يغسل حلجه ويودع الماما والبابا ويتوجه للسياره يلقى قدامه



السواق مبتسم ويفتح له الباب ويوديه لمدرسته الخاصه


................................


وعيالنا المحترمين



تلفه عبوود يقوم من الصبح عقب ما ينشف ريج اهله ولازم افراد العايله تمر عليه



عشان تصحيه وكل واحد وطريقته:



الاب:قوم يعلك الهزل



الأم:قوم يعلك الجدري

الأخ: والله اذا ما تقوم لافقع عينك



أخته: < تسوي نفسها بتدلعه> يالله قوم وأعطيك شنطة أخوك تروح فيها



للمدرسه <<< خوو هو ما يعرف اي وحدة شنطته



بعد ما يقوم يمر الحمام على السريع ويغسل ويهه



وبعدين ياخذ اجرب كتب عنده ويربطها ويجيك مدحدر يدور الفطور ويتفاجأ



انهم ما حطوه؟؟



بعد ما يجهز الفطور وهو كالعاده : (فول شكشوكه تميس + بيبسي )



يبدأ عبودي بالأكل وشوي الا وهو حاذف أخوه بعلبة الهندسه؟؟؟



عشانه سحب صحن الفول من عنده وشوي الا وهو



مسدد بكس عنيف يمشي مليوووووووووووون لأخوه الثاني!! لأنه سرق فسحته؟؟



أبوه يتكلم معه يا صبي أركد وافطر وعين خير انت اشفيك وراك مدرسه!!



يرد العبد عليه: انت ما تشوف سعيدان سارق فسحتي؟؟



< سعيدان اكبر سروق بالبيت >> ابوه على طول يصدق ويصـــــــك



سعيدان كف من قلب



المهم بعد ما يخلص الفيلم اليومي يروح الولد للسياره يلقى اخوه فاتح



الكبوت ويصب ماء للرديتر المشقوق

يتعكر مزاج العبد وينقز للشارع ويأشر لأقرب سياره ويروح للمدرسه


.................................................. ......
عيال الاجانب



- بعد المدرسه يرجع ويلقى المربيه في استقباله تاخذ



الشنطه وتوديها لغرفته بصحبته يغير ملابسه ويغسل ويهه وريلينه



ويستريح له ساعه في أنتظار افراد العائله عشان يتغدى وبعد الغداء الرايق



يروح لغرفة الجلوس ويشرب شاي للتهضيم ويحلي بقطعة كيك وبعدين



يروح لغرفته ينام له ساعه قبل العصر.



.....................................

ونرد حق عبادي مرة ثانية..



اما هو من ايي من المدرسه وثوبه قالب لونه بني< مادري شمسوي!!>>



ولا دخل البيت قط الشنطه بالصاله وفصخ ثوبه



ووينك يالشارع < ربعه ينطرونه>> وهات ياللعب



كوره بعز الظهر وعادي الشارع حريجه من الشمس وهم عادي



ولا كأنه فيه شيء واهله ما يدرون المشكلة!!



في هذه الأثناء يرسل ابوه جمن واحد من اخوانه عشان يدورونه..ولين يابووه



للبيت قام يصيح طقوني وسحبوني جدام الناس < والله ما أحد لمسه النصاب>>



المهم يحطون الغداء < معروف مجبوس لحم

غيره ما فيه!! يتغدى بمزاج و ولا احد يحاجيه ويصــــــــــــــــــك بعدها لتر لبن



بعدها يجلس ساعه فاتح فمه



ينطر من يوديه يغسل له يديه!!!!!!!!!؟؟؟؟؟؟؟



.........................................

ونرد لولد الاجانب



- عيال الاجانب لين يه العصر جابلوا دروسهم وشافوا شعليهم من



واجبات وحلوها وحضروا دروس باجر بمساعدة الماما والبابا.



بعدها يروح لغرفة الألعاب ويجلس على البلاي ستيشن 2 وخذ لعب



لمدة ساعتين تقريبا يعني لي وقت ما بين المغرب والعشاء.



بعدها تطلبه امه مع بقية أخوانه عشان يجتمعون ويشربون العصير



ويسولفون سواليف




.....................................


وعيالنا المحترمين



ايي وقت العصر وهو نايم < مفعول اللبن >> يقوم قبل المغرب



وياخذ دروسه وواجباته < وأقلامه ناسيها في درج الطاوله اللي بالمدرسه>>



ويروح عند أخته ويتحايل عليها بكل ما أوتي من قوه على شان تحل له



الواجبات واذا قالت لا يا ويلها يا سواد ليلها .



عقب جذي أنواع الدجه مع عيال الفريج والي من طقته ما يخلون



هندي الا و طقوه وخذو سيكله..



ولا رجع البيت < على الساعه 11 تقريبا >> تلقى راسه مغلق من



جميع الاتجاهات والشرطه تدوره وجارهم مسوي أعلان عليه مطلوب



حي أو ميت!! وخذلك عاد < مساكين اهله >>






...........................................

عيال االاجانب



بعد ما يتعشى ويمسي على اهله يروح لغرفته ويقعد



على النت ساعه أو ساعتين لي حزة نومه < الساعه 10 تقريبا >>



بعدها يغير ملابسه واتيي المربيه وتقوله له قصه ما قبل النوم ..تغطيه وتطفي النور.


.................................................. ..........
اما عبااااااااااادي..


لا رجع البيت< الساعه 11>> ما يدخل من الباب لا ينط من



فوق السور على شان ابوه ما يجكه .



وعلى طول لغرفته ويسكر الباب ويطفي النور ويطل من الدريشة



على باب الشارع الرئيسي يشوف اشصار على



مسلسل المشاكل المكسيكي اللي يابها معاه للبيت وشلون بيحلها ابوه



مع الناس ومع جارهم ومع الشرطه.



فيقوم يستغل الفرصه ويدز للمطبخ وياخذ منه جبن < جبنة البقره الضاحكه >>

وخبز ويرجع لووووووووووكره



ويقفل باب الصندقه > ويتعشى من هاالجبن والخبز



اللين يدوخ > لا وأزيدكم من الشعر بيت ما ينام



الا وهو متلثم!!!؟؟؟ < على باله مراقب >>
.................................................. ..

وبس تنتهي احداث يومه...في انتظار الروتين اليومي..ولمغامرات اكبر واعظم

وبانتظار ردوودكم لا تنسوون...تقبلوا تحياااتي
عمار
الرجوع الى أعلى الصفحة اذهب الى الأسفل
I DONT TUAST ANY BODY
عضو فضي
عضو فضي
I DONT TUAST ANY BODY


ذكر عدد الرسائل : 247
الإقامة : البحرين
الهوايات : الرسم على الطوفه
تاريخ التسجيل : 23/03/2008

...الفرق بين عيال الاجانب..وعيالنا المهابيل... Empty
مُساهمةموضوع: رد: ...الفرق بين عيال الاجانب..وعيالنا المهابيل...   ...الفرق بين عيال الاجانب..وعيالنا المهابيل... I_icon_minitimeالثلاثاء أبريل 15, 2008 6:52 am

هههه يعطيك العافيه اخووي عمار
الرجوع الى أعلى الصفحة اذهب الى الأسفل
Mr.Danger
عضو فضي
عضو فضي
Mr.Danger


ذكر عدد الرسائل : 55
العمر : 33
البلد : .:. مملكة الـ ح ـد .:.
الوظيفة : ملك المملكة
المزاج : .:. سبشل .:.
الإقامة : الــ ح ــد
الهوايات : Fo0oT BaLL
تاريخ التسجيل : 14/04/2008

...الفرق بين عيال الاجانب..وعيالنا المهابيل... Empty
مُساهمةموضوع: رد: ...الفرق بين عيال الاجانب..وعيالنا المهابيل...   ...الفرق بين عيال الاجانب..وعيالنا المهابيل... I_icon_minitimeالأربعاء أبريل 16, 2008 1:50 pm

مشكووور اخوي عمار على هالموضوع خخخخخخخخخخ
والله يضحك lol!

لاتحرمنا من جديدكـ

أخوكـ: Mr.Danger
الرجوع الى أعلى الصفحة اذهب الى الأسفل
https://bh11.yoo7.com
mr.fa5ro
عضو فضي
عضو فضي
mr.fa5ro


ذكر عدد الرسائل : 175
العمر : 32
الوظيفة : student
الإقامة : bahrain
الأوسمة : ...الفرق بين عيال الاجانب..وعيالنا المهابيل... Vbfs2
تاريخ التسجيل : 05/04/2008

...الفرق بين عيال الاجانب..وعيالنا المهابيل... Empty
مُساهمةموضوع: رد: ...الفرق بين عيال الاجانب..وعيالنا المهابيل...   ...الفرق بين عيال الاجانب..وعيالنا المهابيل... I_icon_minitimeالأربعاء مايو 14, 2008 12:17 am

يعطيك العافية
الرجوع الى أعلى الصفحة اذهب الى الأسفل
قيتار البحرين
عضو فضي
عضو فضي
قيتار البحرين


عدد الرسائل : 73
العمر : 33
الإقامة : البحرين
تاريخ التسجيل : 28/03/2008

...الفرق بين عيال الاجانب..وعيالنا المهابيل... Empty
مُساهمةموضوع: رد: ...الفرق بين عيال الاجانب..وعيالنا المهابيل...   ...الفرق بين عيال الاجانب..وعيالنا المهابيل... I_icon_minitimeالجمعة مايو 16, 2008 3:09 pm

عماروو تسلم وننتضر كل نيوو منك ...الفرق بين عيال الاجانب..وعيالنا المهابيل... 835602
الرجوع الى أعلى الصفحة اذهب الى الأسفل
 
...الفرق بين عيال الاجانب..وعيالنا المهابيل...
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
 :: °•| الأقسام الترفيهية |•° :: :: قسم الفرفشه وضحك ::-
انتقل الى: